【翻版朱玲玲】落選港姐陳凱怡 轉職做身心靈治療師

圖︰2000年落選港姐陳凱怡,現時與朋友開設身心靈治療中心,轉行做治療師。(微博圖片)

陳思齊,原名陳凱怡,18歲時參選2000年入行;她當年被稱為「翻版朱玲玲」更成為大熱,可惜最後「五甲不入」。雖然落選港姐,但陳思齊仍獲TVB器重,讓她參演多套劇集。最近於無綫重播嘅《珠光寶氣》一劇,都可以睇到思齊嘅演出;近年已甚少出現幕前嘅思齊,現時同朋友開設身心靈治療中心,轉行做治療師。

13年變「雙失」 考牌開身心靈治療中心

除咗《珠光寶氣》之外,思齊仲拍過多套受歡迎劇集,包括︰《皆大歡喜》、《足秤老婆八両夫》、《學警雄心》、《我的野蠻奶奶》、《法證先鋒》、《神探高倫布》和《巨輪》等,雖然多數都唔係做主角,但思齊嘅角色同戲份都有好多發揮機會。

到2013年,思齊經歷「雙失期」,首先係同無綫約滿,同年又同拍拖多年嘅男友分手。雖然思齊曾轉投香港電視,但因為港視未獲發牌,佢嘅娛樂圈發展又告吹。最近思齊再次接受訪問,又點蠟燭、又攞頌鉢,原來佢近年同朋友投資咗幾十萬,於尖沙嘴咀開咗間身心靈治療中心,仲會幫人按摩,亦有穴位、香薰等療程,正式轉行做治療師。

思齊被問到會唔會再拍劇時表示,「其實我冇講過正式出道,亦冇講過金盤洗手唔再拍劇,只不過大家好似見我忙緊自己,所以少咗搵我拍啫!如果有適合角色,我係會拍嘅。」

圖︰思齊有份參演嘅《珠光寶氣》一劇最近重播,佢笑言,唔少朋友見佢嘅劇重播,都會cap圖話佢知。(網上截圖)
分享: