【新潮坐月法?】張新悅峇里着泳衣曬太陽 「我只是在補充鈣質」

圖︰張新悅7月初誕下囡囡Lola,轉眼又成功修身,可以着泳衣示人。(ig圖片)

已經係4囡之母嘅張新悅,7月7日誕下孻女Lola;生B一個多月嘅張新悅日前就同老公楊哲安,希埋3位千金去峇里度假!自言坐月要坐100日嘅張新悅,今日(29日)上載一幅泳衣相,留言話︰「今天穿了泳衣,三個女都以為我可以落水了,她們不明白我只是在補充鈣質。」又hashtag埋「新潮坐月子」,因為佢坐期間又曬太陽又染髮,咁又真係幾破格嘅坐月觀念喎!

修身修得快 網民讚「索媽」

42歲嘅張新悅同老公楊哲安結婚11年,先後生咗4位千金,坐月經驗十分豐富。張新悅又hashtag話︰「坐月要坐100天,唔游得都要睇得,曬下太陽補充鈣質,曬太陽染頭髮,新潮坐月子,阿媽唔易做。」

唔少網民都大讚張新悅︰「索媽,天呀,生完小孩之後都無肥過既(嘅)?」、「Gorgeous」、「一D(啲)都吾(唔)似生完無耐!正!」亦有網民話生完B要以泳裝示人好勇敢,「So brave mama to be in a swimsuit right after birth.」

圖︰張新悅帶埋3個寶貝女出遊。(ig圖片)
分享: