【港姐2018】雙料亞軍IG發致謝文 鄧卓殷︰I’m utterly blessed

圖︰鄧卓殷獲選為2018年港姐亞軍及「最上鏡小姐」,是今屆「雙料亞軍」。(網上截圖)

2018年港姐「雙料亞軍」鄧卓殷(Amber)獲得亞軍及「最上鏡小姐」,可謂今屆港姐的大贏家。得到判評同觀眾支持,Amber特別於ig發致謝文,佢首先留言話︰「I’m utterly blessed. Thanks God for making me who I am and being my strongest shield. (我完全地被祝福。感謝神令我成為這個我,又作為我最強大的保護者。)」她又向支持者話︰「多謝投我一票嘅大家令我個夢無係舞台上結束。」

Amber感謝父母支持

Amber笑言,「我本來只諗住上台講聲港姐式嘅『多謝』,點知宜(而)家有幸可以向每個祝賀我嘅人講『多謝』。」她續指,「由參選到宜家,好感恩有好多一直支持我嘅人。全靠朋友嘅鼓勵,台前幕後工作人員嘅付出,屋企人嘅照顧,特別係Daddy無論幾早都會起身煮早餐比我,同Mami幾夜都等我返屋企;亦好想感謝由細到大有份教育同塑造今日嘅鄧卓殷嘅每一位!」

另外,Amber亦在文中感謝與她一同參與決賽的19位佳麗,「當然唔少得19個女仔,因為有妳地,先可以捱住眼瞓渡過啲04 06同28。LOVE U GALS.」文末,Amber更加表示,「我會繼續努力去面對前面唔同嘅挑戰!希望我可以成為一位大家心中卓慧德殷、卓越殷勤嘅香港小姐。」

而Amber獲選後出席《#後生仔傾吓偈》節目,自言想做飲食節目主持,帶歡樂畀觀眾;希望未來有更多機會喺電視見到Amber啦!

圖︰Amber於ig發感謝文。(ig截圖)
圖︰Amber在比賽中表演中國舞,獲星級評判讚賞!(ig圖片)
圖︰Amber話想參與飲食節目,帶歡樂畀觀眾,相信大家都會期待Amber為更多人改個新名,同埋發放笑彈。(ig圖片)
分享: