【修圖App的錯】同關詠荷忽然撞樣 高海寧再Po相︰似返我自己未呀?

圖︰點解高海寧會突然同關詠荷撞樣?原來係修圖App累事。(網上截圖)

高海寧(高ling)同關詠荷忽然撞樣?靚相一出,網民即刻瘋傳,睇返嗰4張相,睇落又真係幾似關詠荷喎!見到大家熱論,高ling都要深夜發文解話︰「化妝,果然還是不可以假手於機!似返我自己未呀?」原來佢嗰4張相係用修圖App化妝㗎!用返人手化之後,即刻似返高ling了!

細個畀人話似關詠荷、楊千嬅

除咗因為用修圖App化妝,其實高ling細個已經畀人話似關詠荷。高ling話︰「讀書時畀人話似(關詠荷),只係入咗行之後又無咩人講;但係身邊好多朋友同記者都有話似。自己照鏡又唔覺得特別似,係影相某啲角度會似。」佢仲話,有畀人話過似楊千嬅呀!

加上今次高ling轉新髮型,頭髮染咗淺色,加埋一頭短髮,又真係幾次關詠荷某後時間嘅髮型嘅。而家謎底解開,高ling又變返原本嘅模樣,但就要辛苦佢深夜化妝再Po相。

圖︰高ling上載另一輯自拍相,話係因為用修圖App化妝,先會變咗同關詠荷撞樣。(ig截圖)
圖︰高海寧。(ig圖片)
圖︰呢幅一睇就知係高海寧。(ig圖片)
分享: