【試過三餐捱麵包】黃婉佩兩嫁富商脫貧 豪花千萬搞賣樓App

圖︰Race於2016年與新加坡富商David Loh結婚,仲生咗寶貝囡Cara!(ig圖片)

樂壇前組合2R嘅細妹黃婉佩(Race),來香港發現時曾經試過住旺角、寶勒巷舊樓,仲試過因為冇錢交租,要一日三餐捱麵包。04年,佢同新加坡富商陳靖諧秘密結婚﹐不過因為聚少離多,感情難維繫;Race之後戀上向佐,與陳靖諧離婚,但二人終未能開花結果。

在情路上兜兜轉轉,Race於新加坡火速與現任老公新加坡富商David Loh發展,並於16年結婚,仲生咗寶貝囡Cara!現在Race家住過億大屋,出遊坐私人飛機,更可投資千萭元發展事業,與妹妹一同搞賣樓App,絕對係生活美滿嘅「幸福人妻」!

「日日使錢邊個唔識?但做人要有意義」

Race受訪時表示,初初同老公David一齊,對方已經搵夠錢可以退休;同大佢20年嘅老公玩足一年之後,Race直言:「我唔係晒命,日日使錢邊個唔識?但做人要有意義。」於是她與妹妹和朋友豪擲過千萬搞賣樓App;如今她天天返公司打理業務,又同細妹周圍飛研究海外物業,變成「在職闊太」。

如今Race一放工就返屋企湊囡,又有一個待她如小公主嘅老公,又可以發展自己嘅事業;加上有靚屋,隨時可以去泳池、健身室,仲有三角琴同小舞台,宴客時仲可以即席開騷娛賓!試問有幾多人可以做得到?

圖︰Race現居於過億大屋,更不時宴請朋友來開Party。(ig圖片)

圖︰Race如今有自己的事業,放工後就回家照顧囡囡。(ig圖片)

圖︰Race曾與家姐Rosanne組成2R組合來港發展,雖然離開娛樂圈,但二人如今都是「幸福人妻」。(ig圖片)

圖︰擁有美滿家庭,嫁入豪門之後仍可發展自己事業,仲有個寶貝囡,實在令人羨慕!(ig圖片)

分享: