【又係粗口港姐?】2018冠軍陳曉華 被爆曾當眾講「X樣」

圖︰2018年港姐冠軍陳曉華被爆曾於公眾場所講粗口。(TVB截圖)

2018年出爐港姐冠軍陳曉華(Hera)被爆曾當眾講粗口!據傳媒報道,Hera與舊愛狄以達去年曾在牛頭角嘆平民壽司,其實被讀者目擊Hera爆粗講「X樣」一詞。昨日(26日)先奪冠,咁快又畀人重提舊事,唔知Hera會唔會同2016年冠軍馮盈盈一樣,要孭住「粗口港姐」之名慢慢「洗底」呢?

狄以達回應︰吓?爆粗!佢有咩?

而當時同Hera一齊食飯嘅狄以達,回應記者有關Hera講粗口一事時,先係好驚訝咁話︰「吓,爆粗!佢有咩?」之後再為Hera護航指︰「應該唔係,我唔記得佢有,其實我都唔介意,因為自己都唔係唔講粗口嘅人。」但據目擊者所講,Hera當時與狄以達講到興起,「個女仔(Hera)仲爆粗講『X樣』㖭!」

據知,狄以達與Hera於今年4月分手,Hera再於7月參加港姐面試,並以大熱姿態勝出;她獲獎後參與《#後生仔傾吓計》節目,被問及感情狀況時,稱自己現時單身。

圖︰Hera於決賽時表演空中瑜珈,獲得唔少掌聲。(TVB截圖)
分享: