【延禧攻略】大結局魏瓔珞情歸乾隆 許凱吳謹言現實世界「再續前緣」

圖︰《延禧攻略》大結局,主角魏瓔珞同乾隆最終大團圓結局。(網上截圖)

清宮劇《延禧攻略》昨日(26日)大結局,其中主角魏瓔珞同乾隆最終大團圓,瓔珞更獲封為皇貴妃!至於皇后佘詩曼,雖然唔洗死,但就被打入冷宮;而深愛瓔珞嘅傅恆,在搵解藥救瓔珞時過勞而死,是劇中一大催淚位。

雖然劇中瓔珞已情歸乾隆皇,但現實生活中,「皇上」聶遠、「富察傅恆」許凱,以及「魏瓔珞」吳謹三人日前穿回時裝,一同「合體」為雜誌拍攝時尚照。

乾隆瓔珞打情罵俏

佘詩曼飾演的嫻妃,一步步登上皇后之位,並深愛乾隆;可惜因為有份密謀借刀殺人,差啲被判死罪!最後因為瓔珞向皇上求情,佢先唔洗死。嫻妃被打入冷宮前,想知道瓔珞救佢嘅原因,瓔珞解釋係為咗還人情,因為佢曾經暈倒,係嫻妃搵太醫救佢。

圖︰佘詩曼飾演的嫻妃,最終被打入冷宮。(微博圖片)

至於大團圓結局嘅瓔珞和乾隆,為悲慘劇情帶來「苦中一點甜」,佢哋仲繼續打情罵俏!當乾隆要求瓔珞就升佢做皇貴妃一事親口多謝佢,並且迫瓔珞講一生最愛係佢嘅時候,瓔珞依然不失霸氣話︰「你以國事為先,但你要我以你做首位,我不會答應你,但我會一生來回答你。」

皇上、傅恆、瓔珞合體 穿時裝影雜誌相 

《延禧攻略》造就劇中演員爆紅,日前,「皇上」聶遠、「富察傅恆」許凱及「魏瓔珞」吳謹言,更一同「合體」,為雜誌拍攝時裝時尚照。

不過,有網民就對聶遠嘅髮型有啲意見,覺得佢係戴假髮,而且「假髮太油腻了」;有網民留言︰「你帶了假髮嗎?我都快認不出來了。有點不適應」、「肯定是假髮,還不如寸頭」等,似乎都係鍾意皇上嘅古裝Look多啲喇!

圖︰三位主角為雜誌影時裝相。(微博圖片)
圖︰雖然於劇中無法在一起,但吳謹言與許凱在拍攝中又重聚了!(微博圖片)
圖︰兩男一女的「嬲」字組合,大家又鍾意邊一對呢?(微博圖片)
分享: