【港姐2018】雙料亞軍鄧卓殷美貌與智慧俱備!擅長中國舞曾獲建築設計獎

圖︰鄧卓殷奪得香港小姐亞軍及「最上鏡小姐」,成為「雙料亞軍」。(TVB截圖、ig圖片)

今屆香港小姐,由鄧卓殷(Amber)獲得亞軍及「最上鏡小姐」,成為「雙料亞軍」。於《2018香港小姐競選決賽》當晚,Amber表演的中國舞獲得觀眾及星級評判讚賞,原來Amber已習中國舞10多年,舞蹈底子深厚;畢業於港大建築系的她,更曾經獲亞洲建築設計獎,真係美貌與智慧俱備㗎!

為農夫改新名 Amber事前有做Research?

笑容甜美的Amber在比賽中表現自信,而且在才藝及問答環節表現出色,尤其是將司儀組合農夫改名為「播種的機」,引發全場捧腹大笑。Amber在賽後接受訪問,透露自己事前有做定research㗎!Amber話︰「本身我哋排練時已經見到農夫,有心理準備佢哋會問我問題嘅,我都有上網搵吓農夫點解會叫農夫啦,而因為2018年進入新嘅年代,所以就諗到農夫呢個名嘅進化版喇!」

而Amber本身畢業於港大建築系,現為一名見習建築師;佢更加參加過亞洲權威雜誌Perspective舉辦嘅年度設計頒獎盛事A&D TROPHY AWARD,並且獲獎。另外,Amber亦是一名基督徒,雖然大學時曾因信仰要忍受同學的難聽稱呼,但她認為︰「香港係宗教自由嘅地方,我覺得做好自己就得。」

IQ高、EQ亦高,仲要咁勤力,加埋靚樣同發自內心嘅笑容,Amber可以成為今屆港姐嘅「雙料亞軍」,真係實至名歸!

圖︰Amber同好多歷屆港姐一樣,都係畢業於香港大學。(ig圖片)
圖︰Amber習中國舞10多年,舞蹈底子深厚。(ig圖片)
圖︰Amber現職見習建築師。(ig圖片)
分享: