【挑戰Dele Alli】眾星齊齊「玩手指」 陳煒做到呢個高難度動作!(多圖)

圖︰眾星齊齊挑戰「#DeleAlliChallenge」。(ig圖片)

英格蘭球星Dele Alli(迪利阿里)於英超聯得分後,以一個非比尋常的手勢慶祝入球,引發其他球員及球迷爭相挑戰呢個高難度動作,「#DeleAlliChallenge」更直捲至香港娛樂圈!蔡卓妍(阿Sa)、楊千嬅等人近日都有玩埋一份;當中,以陳煒(煒哥)玩得最出神入化,用兩隻手做出5個圈,佢叫人挑戰佢呀!

孖洪永城朱晨麗玩手指 陳煒︰有人出貓!

煒哥今日(24日)仲叫埋一齊拍《多功能老婆》劇集嘅洪永城同朱晨麗一齊玩,挑戰手指公轉手指尾嘅遊戲,驟眼看好似好齊整,但煒哥就話「有人出貓」!睇真啲,原來洪永城一直冇轉過手指尾,淨係豎起手指公,好快咁轉來轉去,有網民發現之後都留言指證︰「洪生好懶」、「洪生呃like」、「洪永城出貓」。

圖︰陳煒搵埋洪永城同朱晨麗一齊拍片玩手指,點知洪永城冇跟指示轉手指,被網民笑佢呃Like!(ig截圖)

【煒姐神級動作】

圖︰陳煒挑戰極高難度動作,有如用手指玩瑜珈!(ig圖片)
圖︰煒哥實在太勁!呢個手勢真係拆解唔到。(ig圖片)
圖︰呢個單手整副眼鏡動作亦非常犀利!(ig圖片)
圖︰當然唔少得基本版嘅「#DeleAlliChallenge」動作啦!(ig圖片)

【挑戰Fail藝人】

圖︰劉心悠都有嘗試挑戰呢個手勢,不過單係基本動作就考起心悠BB了!(ig圖片)
圖︰杜汶澤拍片扮挑戰「#DeleAlliChallenge」,最後變咗做粗口手勢……(ig圖片)
圖︰洪永城自己再挑戰多次,玩到面容扭曲都係Fail!(ig圖片)
圖︰好啦,畀大家睇返Dele Alli嘅親身示範啦!(網上截圖)
分享: