港媽佔據育嬰室過夜 網民一面倒怒批

接連有颱風侵襲日本,不少航班受影響,亦打亂了遊日旅客的行程。一名港媽在Facebook分享滯留大阪關西機場的經驗,表示「霸咗一間育嬰室」。帖文被截圖並轉載至其他專頁,引來網上嘩然。

港媽分享「霸咗育嬰室」的經驗,被人截圖再轉載。(網絡圖片)

大阪遭颱風吹襲,事主一家大細未能如期返港,轉而「瞓機場」並佔用了育嬰室。港媽形容:「好大,有房中房,有梳發、有熱水、有微波爐、有叉電器,有洗手盤,有凳有檯,廁所係(喺)隔離,仲可以洗patpat。大人就冇得訓(瞓)得舒服,但小朋友算係OK…」該名港媽又稱,原本有價格相宜的民宿,但因要趕回香港才選在機場留宿。

網民批事主行為缺德

網民一面倒批評事主行為,質疑她霸佔育嬰室的行為缺德:「民宿1000yen一晚咁平? 點解唔比(畀)錢要訓(瞓)育嬰室?」、「攻略詳細介紹房間設備,下次去日本唔洗租房,落機直接『霸』一間育嬰房就ok。」、「係咪全世界得香港人鍾意攞完著數周街唱以為自己好威威?」

(關西機場網頁圖片)
分享: