【星級校花】林愷鈴考入港大建築系 HKU畢業靚女名人仲有佢哋……

圖︰藝人龔慈恩的18歲女兒林愷鈴(左一)考入港大建築系,其實歷年都有唔少靚女名人在港大畢業。(ig圖片)

被譽為「最靚星二代」嘅龔慈恩18歲女兒林愷鈴,以國際預科文憑(IB)41分嘅佳績(滿分為45分),考入香港大學建築系。其實歷年都有唔少靚女名人於港大畢業,以下呢啲娛樂圏名人,都係HKU嘅星級校花!

馮盈盈 - 港大食物及營養學系

2016年港姐冠軍馮盈盈,於DSE考獲28分,入讀港大食物及營養學系;馮盈盈當年已是「港大校花」!佢曾經喺訪問表示,選讀食物及營養學系是因為細佬身體有事,要長期嚴格控制飲食,令佢對飲食好有興趣,所以先選讀營養學。

圖︰(ig圖片)

何艷娟 - 港大法律系

2014年港姐季軍何艷娟北京出生,畢業於香港大學法律系;她未參選港姐之前,也是「港大校花」,參選過由雜誌舉辦嘅校花校草選舉。她當年參加香港小姐時仍在港大修讀法律,但因參選已響學業,仲因為final year成績差,最終只能以Third Hon(三級榮譽)畢業。雖然何艷娟於娛樂圈發展平平,但就嫁入豪門,成為身家逾30億港元的澳博營運總裁吳志誠的太太,成為豪門少奶奶!

圖︰何艷娟於演藝圏發現平平,於無綫重頭劇《宮心計2之深宮計》中,只飾演宮女。(網上截圖)

【其他港大星級校花】

圖︰張燊悅(現名楊張新悅)如今已是三女之母,她當年畢業於港大法律系;退出娛樂圈後﹐再攻讀環境管理理學碩士。(ig圖片)
圖︰1991年港姐亞軍周嘉玲, 同樣畢業於港大法律系;她在90年代參演多部電影及電視劇,並憑《重慶森林》獲提名為金像獎「最佳女配角」。(網上截圖)
圖︰施念慈是96-97年代的港大校花,她當年就讀於港大中文系。(網上截圖)
分享: