【Ellen最後節目談愛貓】盧凱彤爆太太奇怪辟好 「佢好鍾意幫啲貓配音!」

圖︰Ellen生前接受ViuTV節目訪問,談及她與愛貓的趣事,更大爆太太余靜萍有個奇怪辟好!(ViuTV截圖)

盧凱彤(Ellen)8月初於跑馬地寓所墮樓身亡,其生前與15歲愛貓「蘇菲」錄影的一集《晚吹 – 喵喵喵》節目,昨晚(22日晚)在ViuTV播出。Ellen在節目中談到她與「蘇菲」和另外3隻愛貓的趣事,更提及當年為愛貓安排移民台灣的經歷,以及太太余靜萍與貓有關的一個奇怪辟好!Ellen指︰「我太太(余靜萍)有個好怪嘅辟好,佢好鍾意幫啲貓配音!好怪㗎!」

Ellen︰太太同貓講嘢多過同我講!

Ellen示範太太同貓配音的對白︰「我…我現在很悶呀!」、「我現在這麼多毛!」、「今天回家真的要吃好一點!我今天不吃好一點真的不能睡呀!」Ellen指︰「成日都同佢哋喺度講嘢囉!佢(余靜萍)同佢哋(愛貓們)講嘢係多過同我講嘢㗎!好怪㗎我覺得呢個辟好!」仲話太太成日叫佢點幫貓配吓音;Ellen嘆氣說︰「我真係唔識配。我真係冇咁大嘅imagination(想像力)。」

而談到想到愛貓講嘅說話,Ellen轉向「蘇菲」,摸着愛貓笑言︰「我真係多得你唔少呀!」Ellen在節目結束前再補充:「多謝我啲貓,成為咗我生活入面嘅一份子,甚至比我另一半更了解我。」

想幫愛貓移民台灣 為「蘇菲」決定留港

Ellen近年不時台灣香港兩邊走,她坦言︰「在台灣一段長時間,會好覺得自己冇盡到一個貓主嘅責任;覺得唔應該交佢哋畀其他人養,所以先會萌生想幫佢哋移民台灣嘅念頭。」Ellen當時搵晒中介公司,做好晒手續、打晒針、登記埋,點知,就係因為「蘇菲」,佢決定把所有貓留在香港。

她憶述,「因為驗血確認有『瘋狗症』抗體先可以入境,蘇菲打咗兩次針都冇抗體,因為佢年紀大,唔想佢受第3針,所以就由佢啦!加上蘇菲係扁鼻貓,一定要喺夏天坐飛機,佢氣管本身唔係太好;最後就決定大家都唔好去,我留多啲喺香港啦!」

其實「蘇菲」曾經陪Ellen對抗躁鬱症,Ellen仲話「蘇菲」好有靈性,當佢患躁鬱症停工休息,她自己一個獨留在家中,有蘇菲一直陪着佢。「當時我喺屋企喊、心情唔好嘅時候,佢係唯一一隻係會主動行埋嚟我度,等我喊完佢就會走,覺得佢真係冇㗰我米飯,佢會安慰我。」因此,Ellen自言最偏心「蘇菲」。

圖︰Ellen(右一)為愛貓起命「蘇菲」,是因為當時想看《蘇菲的世界》一書,但她至今仍未看過此書。(ViuTV截圖)
圖︰節目完結,Ellen(左二)與主持西瓜(左一)及譚凱倫(右一)向觀眾揮手道別。(ViuTV截圖)
圖︰節目完結後,出現星空畫面,並以文字懷念Ellen。(ViuTV截圖)
分享: