嫁豪門女星何艷娟李美慧黃婉佩鬥晒幸福

昔日港姐李美慧、何艷娟、黃婉佩。(網絡圖片)

昔日港姐李美慧、陳凱琳、何艷娟都在今年收穫幸福婚姻,佢們亦嫁得好有體面。只不過,幾位港姐似乎都選擇咗與自己年紀相差20年以上嘅「穩重型」男士,嫁入豪門做闊太!

何艷娟法國歎美酒

何艷娟(Instagram圖)

現年26歲、2014年港姐季軍何艷娟(Katherine),本月初被指已升呢做吳太,同現年66歲、身家豐厚嘅澳博營運總裁吳志誠,已秘密簽字註冊,嫁入豪門。

26歲何艷娟嫁俾66歲澳博營運總裁吳志誠。(網絡圖片)

升呢30億闊太嘅何艷娟,身邊朋友亦變成四太同李雲迪,早前幾人還一同到酒莊開P 。近日,何艷娟飛到法國旅行,仲一身珠光寶氣嘅高貴裝扮去歎美酒。

李美慧出海曬太陽

李美慧被酸因陀B嫁入豪門。(Instagram圖)

現年31歲嘅李美慧2006年落選港姐,今年6月嫁俾56歲嘅億萬富商曾文豪。雖被網友酸諷因陀B才成功嫁入豪門,但絲毫唔影響佢專心安胎。繼之前出海浮潛曬肚皮,佢還陪老公曾文豪去咗打高爾夫球健身。

李美慧享受孕期晒出海照。(Instagram圖)
李美慧孕期健身同老公打高爾夫球。(Instagram圖)

黃婉佩晒豪華私人飛機

黃婉佩晒豪華私人飛機。(Instagram圖)

前女子組合2R成員黃婉佩(Race)後淡出幕前,不過佢不時喺社交網分享家庭生活。佢日前晒出同家人搭私人飛機嘅相及片,仲留言話:「好開心今次同老公同囡囡Cara一齊搭私人飛機,我哋仲有一間大房同大嘅浴室,真係好正,Cara真係好幸福。」

黃婉佩嫁新加坡富商老公。(Instagram圖)

陳凱琳慶祝榮升鄭太  飯局不斷

鄭嘉穎及陳凱琳拍拖3年後終於「拉埋天窗」。(網絡圖片)

2013年港姐冠軍陳凱琳,同大22年男友鄭嘉穎拍拖多年,日前喺峇里完婚。婚後嘅陳凱琳樂享人妻生活,約埋友人食飯慶祝。

分享: