【邊個要奶奶?】張繼聰同囡囡玩問答 張靖話爸爸︰曳曳!

圖︰張繼聰(右下一)同囡囡玩問答,由於佢問完又問,就畀張靖話曳曳喇!(ig截圖)

自從謝安琪(Kay)為張繼聰(阿聰)誕下「前世情人」張靖之後,阿聰不時都會於ig分享佢同囡囡嘅互動片段。昨晚(20日)佢Po咗一段佢同張靖玩嘅片,留言話︰「玩咩唔重要,最重要係同邊個玩!剩係玩邊個飲奶奶?邊個要奶咀都已經玩成晚。」片段中,張靖仲忍唔住話爸爸「曳曳」呀!

張靖乖乖甜笑

阿聰同張靖話︰「妹妹!BB要奶奶,爸爸要啜啜,好唔好?」之後開始問︰「邊個要啜啜?」張靖答︰「BB!」阿聰試圖讓囡囡明白剛才一段說話的意思,於是話︰「爸爸!」張靖跟住講「爸爸」,之後阿聰再講︰「爸爸要啜啜,好唔好?」張靖即刻話︰「曳曳!」搞到疑似為拍片人的Kay大笑!但當阿聰叫張靖笑,張靖都有乖乖送上燦爛笑容!

唔少網民睇完阿聰兩父囡嘅互動,都忍唔住留言大讚張靖可愛,有人仲話︰「妹妹真係好可愛,次次睇完成個人甜哂」;亦有網民代張靖話阿聰,留言話︰「爸爸曳曳」、「爸爸要搶我奶奶所以曳曳」、「好煩呀張生,妹妹俾你搞到一頭煙,大個咗諗番呢條友日日都玩我」。

【去片!】
分享: