【突然轉口風?】李玟談人工受孕情況 「唔會強求!」

圖︰李玟與老公Bruce於2011年結婚。(Facebook圖片)

43歲歌手李玟(CoCo),2011年與外籍老公Bruce結婚,早前更透露於紐約進行人工受孕;不過,日前Coco被問及最新情況時,竟然突然轉口風指︰「有好多家庭冇仔女都開心㗎,所以唔會強求。」

為抽卵 打針打足三星期

Coco曾於受訪時表示,進行人工受孕需要抽卵,而且過程非常辛苦,要打針打足3個星期先成功抽取一粒卵子。Coco又話,想年底或明年初將卵子放回體內,仲話想生兩個;點知最近會突然轉口風,話「唔強求」。

CoCo最近受訪時表示:「如果上天注定冇小朋友,都係一個緣分;老公已經有兩個女,都算有小朋友。」都係嘅,有時順其自然,可能有更大驚喜呢!

分享: