【大肚飛韓國】Coffee即慶去旅行 原本想睇花海點知……

圖︰Coffee本身好想睇黃色花海,點知去到先發現,花海要4至5月先見到!(ig圖片)

懷孕8個月嘅林芊妤(Coffee),日前同高薪厚職嘅老公翟志榮(Weng)即興飛韓國;Coffee昨日(20日)起都有分享自己嘅旅行相,見到Coffee都有食吓韓國美食,分享全身相嘅時候手腳仲係好纖瘦,睇落完全唔覺陀緊B呀!

Coffee本身好想睇黃色嘅油菜花海,點知去到先發現花海要4至5月先見到!而老公Weng就話,佢一早知道真相,只係想教訓吓冇做research嘅Coffee;其實睇唔到花海,都算經歷咗件難忘事呀!

被拍得與老公搭港鐵 Coffee自認慳家

Coffee在最近嘅分享又面都有提及,自己陀B後比較怕熱,手臂、臀部、大腿都有點腫;但早前就有人影到Coffee同老公一同搭港鐵,點解唔自己揸車呢?Coffee接受傳媒訪問時表示,老公其實有車牌,「佢都有諗過(自己揸車),不過我話唔使住,香港咁方便,都唔使買車啦!」Coffee仲自認慳家,話唔捨得買車,「可能有小朋友再諗,而家仲OK嘅,或者到時我都考番個車牌先。」

Coffee最近都做過產檢,醫生仲話BB頭大、腿短,仲有個大肚仔,Coffee笑言,「難道因爲我經常叫他肚腩仔?慘啦,不過肚腩仔(BB)很健康是大b,那就足夠啦!」

圖︰Coffee身穿over size T-shirt,加上纖瘦四肢,完全唔似大肚8個月!(ig圖片)
圖︰Coffee即使大住肚都keep住做運動。(ig圖片)
圖︰Coffee同老公Weng十分恩愛。(ig圖片)
分享: