【澳門慶生】Sammi開騷迎46歲 郭啟華事隔40年再彈結他!

圖︰Sammi昨日(19日)46歲生日,於澳門舉行「By My Side Birthday Party」與歌迷一同慶生。(ig圖片)鄭秀文

8月19日係鄭秀文(Sammi)生日,Sammi特別於生日正日到澳門舉行「By My Side Birthday Party」,同歌迷慶祝她的46歲生日。Sammi於這個生日派對上唱出多首經典作品,經理人郭啟華更為Sammi再次彈結他;40年冇彈過結他嘅佢,親自彈奏由佢自己作曲填詞嘅國語歌《快樂不快樂》,令Sammi十分感動!

歌迷響應 着紅衫出席生日派對

Sammi早前喺網上號召大家着紅衫出席Party,全場4000名歌迷當然一呼百應,為Sammi送上一片紅海。而Sammi亦着住紅衫出場,仲笠住連帽外套穿過觀眾上台,似足拳擊手!之後,她一連唱出《真命天子》、《心血來潮》、《艷遇》、《宿命主義》等耳熟能詳作品。

Sammi更同歌迷玩變聲唱歌仔,請歌迷上台鬥唱佢嘅歌!玩完第一個遊戲,一名男Fans乘機問Sammi明年會唔會開show?引發全場觀眾大叫:「開騷」,Sammi笑言:「2019年開騷機會……好大!」而另一個遊戲係女Fans同Sammi自拍,仲可以同佢又攬又錫!

一班來自香港、內地、台灣、馬來西亞,以至瑞典嘅Fans齊齊到澳門賀壽,玩至散場都唔肯走!Sammi都好識做,臨時加唱兩首歌,讓Fans玩足兩個半鐘!Sammi今年如願以償,可以在生日開騷唱吓Side Track作品,同日更推出首張新曲加Side Track精選唱片,相信係Sammi今年最好嘅生日禮物!

睇住小小啦! My birthday gig. ?? 昨天,唱了很多歌。 #sidetrack #回憶返哂來

Sammi Cheng Sau Man(@sammi_chengsauman)分享的貼文 於 張貼

昨天。感動。很多時刻全部人一條心。這種感覺叫溫暖。 千年如一日的愛與支持 #珍惜

Sammi Cheng Sau Man(@sammi_chengsauman)分享的貼文 於 張貼

分享: