【一不小心…】余文樂Po百日宴相片 囝囝正面樣曝光急換相

圖︰余文樂為囝囝余初見辦剛百日宴,貼相時,囝囝靚樣意外曝光(圖右,以箭嘴及圓圈標示)。(網上圖片)

36歲余文樂(阿樂)2017年12月與台灣藝人王棠云「奉子成婚」,榮升爸爸的兒子阿樂,更為仔仔余初見(Cody)辦百日宴。昨晚(19日晚)阿樂於ig分享Cody百日宴相片,其中一張蛋糕相中,竟有Cody靚樣意外入鏡!雖然阿樂已經即刻刪Po,點知都唔夠網民快,Cody嘅正面樣已被cap圖流傳。

網民︰小cody好像你呀!

據網民的cap圖,Cody的生日蛋糕用上一張個人相片做裝飾,雖然相片比較模糊,但亦可見Cody鼻高高、仲笑住影相;阿樂在留言寫道:「Happy 100 days」。而有網民就留言指︰「六叔剛才見到那張小cody好像你呀!」

阿樂秒刪上述相片後,今早(20日早上)再晒「抱仔相」並寫道:「PaPa love you so much.」,真係好sweet呀!阿樂對囝囝處處保護,同時十分重視家庭;他日前到杭州出席活動時就曾提到:「結了婚,有了孩子,最大變化就是工作不是放第一位。」由此證明,阿樂真係一位又愛妻、又愛囝囝嘅「廿四孝潮爸」嚟㗎!

分享: