【港姐2018】健康膚色佳麗只能獲亞軍? 大熱門Honey挑戰不成文規定!

圖︰(網上截圖)

下個星期日(26日)就係《2018香港小姐競選》舉行嘅日子,而回顧歷屆嘅賽事,可以發現一個「不成文規定」,就係擁有健康膚色嘅佳麗,往往只能屈居亞軍,少不免令人擔心今屆大熱門何泳芍(Honey)嘅參選命途。Honey曾經在受訪時表示︰「我參選嘅原因係想改變大眾對我哋健康膚色女仔嘅想法,我同媽咪講我想參選,而佢都好支持我,就做咗我嘅提名人。」

雖然未知Honey能否挑戰成功,為健康膚色女仔爭光;但歷屆唔少擁有健康膚色嘅港姐,最後都攞亞軍嘅,以下呢幾位就係近年嘅例子喇!

劉穎鏇 - 2016年港姐亞軍

16年港姐亞軍劉穎鏇(Tiffany),擁有5呎9吋高挑身型,加上參選時年僅19歲,成為大熱之一。熱愛運動的Tiffany初時給人「大隻」的觀感,為了令身型更纖瘦,她積極修身、減走6至7磅,但最後還是敗於同屆冠軍馮盈盈,只奪得亞軍及「最上鏡小姐」獎項。

比起馮盈盈,Tiffany的形象就健康正面得多,她於獲選後成為節目《學是學非》的粉藍色「是非精」,爽朗直率的性格,令她深受大眾歡迎。

圖︰Tiffany當年為選港姐積極修身,卻保留健康膚色。(ig圖片)
圖︰Tiffany熱愛運動。(ig圖片)
圖︰Tiffany參選時憑5呎9吋的高挑身型而成為焦點。(ig圖片)

蔡思貝 - 2013年港姐亞軍

13年港姐亞軍蔡思貝,都係屬於比較陽光膚色嘅佳麗,加上短髮造型,客易令觀眾留下印象。不過佢當年時面對冠軍大熱陳凱琳,外型相對硬朗嘅蔡思貝,喺觀眾投票環節被陳凱琳擊敗,只能屈居亞軍。

蔡思貝獲選後獲公司力捧,仲經常「擔正」做女主角;雖然初時被人批評演戲生硬,但隨住演技逐漸進步,蔡思貝終憑劇集《踩過界》的火雞姐一角,奪得「最受歡迎電視女角色」獎項!

圖︰蔡思貝都係屬於比較陽光膚色嘅佳麗。(ig圖片)
圖︰蔡思貝憑劇集《踩過界》的火雞姐一角,奪得「最受歡迎電視女角色」獎項。(影片截圖)
圖︰蔡思貝試過朝早挑戰半馬,同日夜晚再現身參加TVB台慶頒獎禮。﹝網絡圖片﹞

朱慧敏 - 2004年港姐亞軍

04年港姐亞軍朱慧敏當年參選面對大熱門徐子珊,又係屬於健康膚色嘅佢,最後都係輸咗畀徐子珊,獲得亞軍及「旅遊大使獎」。獲選多年,朱慧敏嘅演藝事業發展平平,最為人知嘅角色應該係參演《愛.回家》。

不過朱慧敏已經完咗無綫嘅合約,轉往內地發展,希望之後可以喺更多劇集睇到佢嘅演出啦!

圖︰朱慧敏當年參選面對大熱門徐子珊,又係屬於健康膚色嘅佢,最後都係獲得亞軍。(ig圖片)
圖︰朱慧敏已經完咗無綫嘅合約,轉往內地發展。(ig圖片)
圖︰朱慧敏於無綫嘅發展普通,最為人知嘅都係參演《愛.回家》。(網上截圖)

【近年例外】2017年港姐冠軍雷莊?

圖︰觀眾對於雷莊?印像麻麻;更有外界傳聞,話佢係靠家底取勝先攞到冠軍。(ig圖片)
圖︰雷莊?不但係港姐冠軍,仲喺《2018國際中華小姐》奪得季軍。(ig截圖)
圖︰不過,港姐冠軍雷莊?月前已自爆卸任後唔會續約無綫,會同牙醫男友Brandon(圖左)返加拿大生活,仲話會去荷里活發展。(ig圖片)
分享: