【獨力接新娘】鄭嘉穎談《一千個願意》甜蜜小插曲 陳凱琳冧爆

圖︰鄭嘉穎同陳凱琳返港,談及選唱《一千個願意》背後的故事。(ig圖片)

新婚的鄭嘉穎同陳凱琳(Grace)昨晚(16日晚)返港,Grace著住鬆身衫、短褲現身,佢同嘉穎戴上墨鏡接受訪問。嘉穎被問及接新娘時為何選唱《一千個願意》,原來背後有後甜蜜小插曲㗎!嘉穎拖實老婆憶述故事,仲話自己靠一人之力娶得美人歸!Grace冧爆,仲忍唔住開口讚老公︰「好叻呀你!」相信在場記者就算載埋太陽眼鏡,都敵不過鄭生、鄭太嘅「閃光彈」喇!

嘉穎練歌 Grace問︰歌詞係咪講我㗎?

原來嘉穎不時會在家中練歌,其中一首經常練習嘅,就係佢剛出道時嘅作品《一千個願意》。嘉穎話:「佢(Grace)聽過,話好鍾意呢隻歌,我話:『你好鍾意呢隻歌?』佢話:『歌詞係咪講我㗎?』咁好明顯係講你啦!」講到呢度,Grace都甜笑咗幾聲。

嘉穎續說︰「佢話好鍾意聽我唱呢隻歌,想我唱畀佢聽。」所以當Grace提出要嘉穎唱歌,唔洗講歌名,嘉穎已經知道佢想聽《一千個願意》。

兄弟掛住拍片唔幫手 幸好姊妹手下留情

講到接新娘嘅過程,嘉穎就話︰「我嗰啲(兄弟)就掛住拍片嘅,亦都唔多出聲,靠我一個人去……好似(自己一個)搞掂晒咁,所以佢哋都冇乜點難為我。」佢又話︰「嗰啲姊妹同伴娘都好幫手,因為我真係冇乜人幫手。」見到老公獨力「迎戰」接新娘,Grace當然冧爆,仲係記者面前大讚老公︰「好叻呀你!」

咁嘉穎同Grace會唔會補擺酒呢?嘉穎坦言,一直希望有個簡單婚禮,今次到峇里結婚得到雙方家長同意,嘉穎亦都話︰「我覺得幾圓滿,係一個我哋夢想中嘅婚禮。」雖然唔擺酒,但嘉穎話會度多次蜜月吵!至於去邊度?嘉穎笑住回應︰「梗係唔話你知啦!」

圖︰雖然去完峇里旅行結婚兼度假,但嘉穎透露,會同Grace度多個蜜月。(微博圖片)
分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟