【投資有方】韓星名下物業邊個回報勁? 佢只靠收租都月入過百萬!

圖︰宋慧喬(右二)、韓孝珠(右一)等女星都有唔少名下物業,而全智賢(左一)更加係「樓后」,只靠收租都可以月入過百萬港元。(ig圖片)

最近有韓國地產界人士統計一眾韓國明星名下物業,結果發現宋慧喬、韓孝珠等女星都投資有方。其中,早於2001年憑電影《我的野蠻女友》走紅,2014年憑SBS電視劇《來自星星的你》攀上演藝事業巔峰嘅全智賢,原來一直都有密密「買磚頭」,手上物業升值之餘,每月租金回報已經高達100萬港元!而去年為韓星Rain誕下B囡嘅金泰希,每月只靠收租,都穩袋逾41萬港元。

全智賢擲2.2億現金 購江南區大廈連地皮

36歲靚媽全智賢已為兩子之母,而家主力拍廣告賺錢,近年已甚少接拍新戲。據悉,全智賢以4,000萬港元購入嘅二村洞大樓,而家已升值至4,485萬港元;加上有著名咖啡連鎖店進註該大廈,全智賢每月都有11萬港元嘅租金回報。另一幢位於論峴洞的舊樓,翻新後更由原本嗁5,934萬大幅跳升值至1.17億港元,每月租金回報都有20.7萬港元!

佢又用2,415萬購入大寺洞獨立屋,同埋三成洞I Apartment,仲用約3,000萬及5,000萬港元,購入三成洞嘅兩層豪宅;但最犀利嘅係2017年3月,豪擲2.2億港元現金,購入江南區嘅大廈連地皮。全智賢嘅物業市值逾5億港元,絕對係韓國娛樂團嘅「樓后」。

韓國女星愛投資物業 積極入市不手軟!

而金泰希於2012年,以近3,000萬港元購入漢南洞獨立屋,目前已升值至4,140萬;她名下另一幢市值約9,000萬的江南區大廈,每月收租回報更高達41萬港元!

至於發展「雙宋戀」而開花結果嘅36歲人妻宋慧喬,她在首爾三成洞擁有3層物業,市值共約1.4億港元,其中,她於2004年以3,450萬購入的其中一幢大樓,已升值至6,900萬港元。而31歲女星韓孝珠,去年9月以約3,800萬港元購入漢南洞大廈,今年5月再以1,863萬,於葛峴洞購入另一幢大廈收租。

似乎韓國女星都鍾情於買樓投資,而且積極入市,絕不手軟!

圖︰金泰希於2012年購入漢南洞的獨立屋,至今帳面賺近千萬港元!(ig圖片)
分享: