【承認有喜!】陳意涵拍片繪畫宣佈陀B 「我很幸福哦」

圖︰陳意涵於facebook上載短片報喜。(劇照、fb截圖)

35歲台灣女藝人陳意涵,被朋友爆出懷孕3個月;昨晚(15日晚),陳意涵在facebook上載一段影片,以手繪畫分享她即將結婚同做媽咪嘅喜悅。對於被朋友爆料,陳意涵語帶無奈表示︰「吼⋯ 都計畫好情人節登記完就要告訴你們的,被搶先一步了,有一種自己的禮物被別人先打開的感覺」,好彩之後都笑住補返句「哈哈(好險禮物還是我的)」,相信幸福感已掩蓋被爆料的無奈吧!

情人節登記結婚

陳意涵在留言中透露自己將於「情人節登記」,相信係指佢同男友許富翔會喺聽日(17日)嘅農曆七夕情人節登記結婚!陳意涵又話︰「不論如何 一切都是美好且珍惜的,是的,人生下一篇章 就這樣開啟了,謝謝你們的祝福 我很幸福哦」。

陳意涵同導演男友許富翔拍拖一年,喺佢上載嘅影片入面,用印章同手繪畫表達佢即將結婚,之後仲畫埋各個家庭成員,包括自己、許富翔、愛犬,同埋一個BB呀!所以一段咁有心思嘅短片,就交待咗佢嘅婚事同證實佢陀B嘅喜訊喇!唔知許富翔係咪都有幫手構思同拍片呢?

圖︰陳意涵準備同許富翔登記結婚!(網上截圖)
分享: