【大女都入行?】Kōki成爆紅Model 木村心美準備進軍音樂界!

圖︰網上流傳木村心美(右二)嘅童年照,據悉心美比Kōki更靚女!(網上截圖)

木村拓哉同工藤靜香細女光希,以Kōki之名進軍Model界至今不足3個月,已成功躍升為「A級藝人待遇」代言人,更成為意大利珠寶品牌Bvlgari的最年輕宣傳大使!15歲嘅Kōki爆紅,家姐木村心美更加被視為最搶手「星二代」,主攻音樂嘅心美,2019年5月就滿18歲,未知爸爸媽媽會唔會提早畀心美進軍音樂界呢?

天資聰穎讀日本名校 樣貌似媽咪

有報道指,一直有藝能事務所希望同心美傾入行,而家妹妹Kōki爆紅,心美要入行都真係指日可待!而且心美天資聰穎,連Kōki都大讚家姐係天才!木村同靜香多年來都希望囡囡專注學業同進修音樂,為心美鋪路做音樂家。

據網上流傳多時嘅心美童年照,面尖尖嘅心美比較似年輕時嘅靜香;雖然Kōki嘅ig仲未有家姐現身,但就分享過家姐幫佢影嘅靚相,Kōki仲留言話︰「My sister is my personal cameraman(我家姐係我嘅私人攝影師)」,呢張心美用「家姐視覺」影嘅靚相,真係好有feel呀!

圖︰Kōki於6月份在ig分享過木村心美為她拍攝的靚相。(ig截圖)
分享: