【森美旅行團】孖丁子朗京都浸浴 森美被cap圖串「輸鳥」?

圖︰《森美旅行團》昨(14日)晚播出森美帶丁子朗去京都浸「電氣風呂」,小儀仲cap圖串森美「輸鳥」。(ig截圖)

無綫節目《森美旅行團》昨(14日)晚播出森美帶丁子朗去日本京都浸「電氣風呂」一幕,片段中,森美同丁子朗「入鄉隨俗」,先沖身再「光脫脫」落水浸浴;雖然見到森美都有盡量攞毛巾遮住重要部位,但落到咁刺激嘅有電風呂,又點顧到儀態呀?

節目出街時,剪片都有幫兩位男主持「打格仔」同加咗個「禁」字遮一遮,但明顯睇到,近鏡頭嘅丁子朗個「禁」字係大過森美嗰個嘅;結果,小儀就喺ig cap圖話「小森美輸了」,搞到森美要出來為「小森美」平反。

森美︰毛巾以下係我fit啲!

對於「輸鳥」嘅指控,森美接受傳媒訪問時澄清︰「雖然你見到『禁』字咁細,但你要知遠近問題,我係遠佢(丁子朗)一呎。」又話︰「毛巾以上係朗朗fit啲,毛巾以下係我fit啲。」而在旁嘅小儀笑住大叫︰「唔好扮嘢啦,哈哈哈!」好似真係好清楚內情咁。

而森美繼續「以理服人」,同記者話︰「所以你拉番近,『禁』字同一個level嘅話,係大過佢(丁子朗)嘅。」而森美坦言,佢哋拍攝時真係「入鄉隨俗」,跟足日本人規矩浸浴,森美又笑言︰「冇所謂啦,就算玉帛相見、巨蛇相遇,都係見慣見熟啦,我哋啲男人慣咗啦!」

【圖輯】大家又點睇呢?
圖︰小儀於ig cap圖話「小森美輸了」。(ig截圖)
圖︰森美於洗身時將毛巾拉高,扮少女。(TVB影片截圖)
圖︰去到有電的浴池,森美仍然用毛巾包到實,仲叫丁子朗去電流強啲嗰邊落水。(TVB影片截圖)
圖︰丁子朗落咗水之後,森美先話自己未浸過呢種「電氣風呂」。(TVB影片截圖)
圖︰最後森美都落埋水,就出現「禁」字呢一幕。(TVB影片截圖)
分享: