【金秘書慶功】與劇組同遊布吉 朴敘俊朴敏英前後腳出現

圖︰《金秘書》劇組日前已飛抵泰國布吉旅行慶功,朴敘俊同朴敏英亦有出席。(網上截圖)

人氣韓劇《金秘書為何那樣》成功帶起「追劇潮」,更令劇中主角朴敘俊同朴敏英嘅「秘戀」愈傳愈熱。傳聞二人「秘戀」3年,更有指他們會於《金秘書》大結局後宣布婚訊,不過至今二人都仲否認拍拖;唔知係咪想「避嫌」,《金秘書》劇組日前飛抵泰國布吉旅行慶功,佢哋都係前後腳出現呀!

造型師Po相 「雙朴」避上鏡

從造型師上載相片同片段可見,劇組一同品嚐當地美食、水果,仲配埋燒酒同魷魚乾;享受美食之餘,仲一齊出海玩水上活動,喺藍天白空、水清沙幼嘅布吉玩得好開心!

不過,相片未見兩位主角的合照,暫時只得「雙朴」抵達當地嘅照片。據悉,因為劇組大部份演員都有工作在身,所以出席呢次旅行慶功嘅演員唔多,咁唔知朴敘俊同朴敏英有冇諗辦法過吓二人世界,重溫一下演金秘書同副會長嘅美好回憶呢?

圖︰天氣好、水又清,當然要玩下水啦!(網上截圖)
圖︰劇組仲一齊享受當地嘅美食同水果。(網上截圖)
分享: