【好危險!】15號陳苑澄玩KiKi Challenge 落車跳舞再上車網民鬧爆

圖︰候選港姐、15號陳苑澄(Tania)日前上載一段「Kiki challenge」影片,被網民怒轟。(ig影片截圖)

落車、跳舞、再上車,睇落好似簡單,但其實係非常危險嘅舉動!前組合As One成員、2018候選港姐15號陳苑澄(Tania)日前上載一段「Kiki challenge」影片,見到佢喺一個的士站落車,仲攞埋絲帶出嚟跳舞,明顯係早有預備;跳完舞,佢仲將絲帶掉落地先上返車。

何浩文︰各位藝人用吓腦好嘛

片段開始時,可見「NCW26」路牌,翻查資料,拍片地點應為「青衣碼頭的士站」;該的士站旁正正是88B綠色小巴站,不少青衣居民都會乘搭此小巴前往葵芳市區,而片段中亦可見旁邊有綠色小巴停泊。網民對於此片負評居多,包括︰「咪阻X住個巴士站啦。」、「有無再落車執返垃圾?」、「拍片者危險駕駛,片主就亂丟垃圾。」

無綫藝人何浩文亦於網上直斥︰「kiki challenge完全唔應該玩,尤其係藝人,唔係潮流就一定要跟,要玩都唔一定要玩危險嘢,以為玩完自己冇事就OK,有冇諗過會唔會影響到啲年輕人,有人發生意外你就變成殺左(咗)佢嘅一份子。」又hashtag︰「之前外國興自殺又唔見你哋自殺」、「各位藝人用吓腦好嘛」。

「Kiki challenge」入面,挑戰者會播住加拿大饒舌歌手Drake主唱的《In my feelings》,因為歌詞中談及一名叫「Kiki」的女生,因而把挑戰以此命名。雖然此挑戰近期流行於全球,但亦因此而引致多宗意外,有挑戰者當場被撞、亦有人撞到燈柱或仆倒,在人多車多的香港進行挑戰就更加危險!

圖︰Tania一落車,就清晰可見「NCW26」路牌。(ig影片截圖)
分享: