沉浸再婚甜蜜 陳榮峻被指係「偽君子」棄養孫仔

陳榮峻(Facebook圖片)

62歲嘅「綠葉王」陳榮峻2010年喪妻,因拍劇遇上「綠葉后」58歲吳香倫,兩人拍拖3年,「黃昏戀」於上月開花結果。

不過就有媒體爆出,結婚當日,有爆料人稱,自陳榮峻太太鄭安麗10年去世後,陳榮峻就以「一屋男人」為由,甩手孫仔交畀何姓婆婆照顧。

吳香倫、陳榮峻(影片截圖)

不過上月10日,再做新郎嘅陳榮峻獲全家出席婚禮,包括佢嘅一對龍鳳胎Jessica同阿聰、長子陳穎霖、兩個孫,連93歲媽咪都一齊影全家福,四代同堂同見證。

爆料人更指,當時陳榮峻把年約5歲嘅孫兒交畀何姓婆婆照顧,最初佢都有每月給予一千蚊生活費,但俾咗一年幾就冇再畀。陳榮峻對此則稱,多年來都有為孫仔支付學費。「我經濟都OK,但講實話,關我哋老人家咩事吖?」

62歲嘅陳榮峻同58歲嘅Helen於上月14日出發,展開地中海度蜜月之旅,用10日享受寧靜嘅島嶼生活同靚景,專心過吓二人世界。

分享:

1條評論

  1. 其實佢個孫既學費也好,生活費也好,關個老人家乜事?幫就人情唔幫就道理啫,我睇唔到有幾咁偽君子喎??

Comments are closed.