【與神同行】《終極審判》今日上映 韓中午前收53億圜票房

圖︰《與神同行:終極審判》今日於香港、韓國同步上映。(網上截圖)

《與神同行》為韓國賣座電影,而下集《與神同行:終極審判》今日(8月1日)已於韓、港兩地上映;唔少韓國觀眾都爭住入場睇戲,截止中午前,韓國方面已有逾69萬觀影人次,票房勁收53億韓圜(約3,724萬港元)!當地業界估計,《與神同行》下集首日票房將達到80億韓圜(約5,622萬港元),比《屍殺列車》更強勁!

江林帶最後一位貴人返地獄受審

故事延續上一集,河正宇扮演嘅江林公子,要帶最後一位貴人金東旭(即上集車太鉉的弟弟)返地獄接受審判;點知唔小心激嬲李政宰飾演嘅閻羅王,二人將於路上過關斬將,試圖化解重重危機。就在陰間使者試圖完成任務嘅同時,千年前,佢哋生前嘅悲劇,亦將被逐一揭開。

香港方面,今晚7時15分嘅優先場亦告爆滿,相信唔少睇過《與神同行》嘅觀眾,都想快啲入場睇埋下集。

圖︰飾演地獄使者的朱智勛(左)及金香起。(網上截圖)
圖︰穿上軍服的金東旭。(網上截圖)
圖︰金香起都有古裝look。(網上圖片)
分享: