【金盆?口】尾場星光熠熠撐場 黃子華同周慧敏係舊同事?

圖︰黃子華正式「金盆?口」,一班演藝界名人都有捧場,唔少人更係同佢合作過嘅經典拍檔。(網上截圖)

黃子華昨(7月31日)晚完成其最後一場棟篤笑演出,正式「金盆?口」。一班演藝界名人齊齊現身支持,唔少人都同子華在工作上合作過,包括︰鄭裕玲(DoDo)、佘詩曼等;而唔講唔覺,子華同周慧敏其實係舊同事嚟㗎!

同子華係電台同事 周慧敏︰就這樣32年了

完show後,一班演藝界名人齊齊入後台與子華見面。周慧敏其後於網上分享她與子華的合照,更自爆同子華好多年前係舊同事:「大家可能知道我們合作過拍電影,但應該不知道我們很多很多年前還是電台同事。就這樣32年了。恭喜子華的金盆?口,完美完成!」

而2000年前同子華合演經典劇《男親女愛》,更傳過緋聞嘅Do姐都有到場支場,她分享合照時留言:「Well done my friend!」網民見到「毛小慧」同「余樂天」罕有重逢,仲話子華比18年前個樣成熟咗,但Do姐就瘦到面都尖晒!至於同子華拍劇集《絕代商驕》同電影《棟篤特工》嘅佘詩曼,亦有與拍檔合照,並留言︰「congrats to dayo」。

其他於尾場現身嘅名人仲有︰容祖兒、古巨基、梁芷珊等。而老友古巨基同太太,以及蔡一智夫婦等人,都有出席子華的慶功,蘇施黃同金燕玲仲送上一個好有動感嘅「金盆?口」蛋糕呀!

圖︰一班娛樂圈名人於尾場完show後,到紅館後台與子華合照。(網上截圖)
圖︰子華完騷後,與基仔夫婦、蔡一智夫婦等人一同去慶功。(微博圖片)
分享: