【《金秘書》播畢】韓媒記者爆料 朴敘俊朴敏英將公佈婚訊?

圖︰韓媒記者於節目爆料,話朴敘俊同朴敏英有意喺播完《金秘書》後公佈婚訊。(網上截圖)

tvN人氣韓劇《金秘書為何那樣》上星期(7月26日)大結束,隨後即爆出「副會長」朴敘俊同「金秘書」朴敏英秘戀三年,仲有網民於ig搵到佢哋拍拖嘅「蛛絲馬跡」。點知「雙朴」被爆秘戀之後,昨(8月1日)晚韓媒記者於節目《深夜正式演藝》中再爆料,話二人有意喺播完《金秘書》後發結婚聲明公佈婚訊,外界認為,「雙朴戀」大有可能如「雙宋戀」(宋仲基、宋慧喬)一樣發展!

「雙朴」連結婚嘅用品都準備好?

韓媒《The Fact》姜姓記者於節目接受訪問,指當初收到的消息,是朴敘俊和朴敏英見大家咁啱一齊拍劇,所以想喺《金秘書》大結局之後發表結婚聲明;有友人更加透露,「雙朴」連結婚物品都已經準備好晒!

而外界一直都好關心「雙朴戀」嘅發展,但二人拍拖秘密到連親密好友都瞞住,甚至直到最近先向身邊朋友公開戀情。外界相信「雙朴戀」極有可能好似「雙宋戀」咁鋪排,因為兩者一樣都係姊弟戀、又一齊拍劇,而且戲裡戲外都有好多甜蜜互動。對於結婚一事,朴敘俊同朴敏英暫時未有回應。

圖︰朴敘俊同朴敏英,無論戲裡戲外都表現甜蜜。(網上圖片)
分享: