【財產傾唔掂?】周迅賺得多過高聖遠 傳不願按男方要求付錢離婚

圖︰據台灣傳媒報道,高聖遠同周迅遲遲未離婚,原因同「財產」問題有關。(網上截圖)

43歲嘅周迅14年同高聖遠結婚,最近再傳出離婚消息;據台灣傳媒報道,高聖遠同周迅遲遲未離婚,原因同「財產」問題有關。由於周迅賺錢能力比高聖遠高,有傳佢因唔願意支付男方所提出嘅財產要求,而遲遲未達成離婚協議!

一提「婚姻」即封口

台灣傳媒指,去年金馬獎慶功時,記者同高聖遠原本傾得幾開心,但一提到「婚姻」兩個字,高聖遠就即刻封口話:「私事就不聊了」。據悉,周迅同高聖遠結婚時冇立婚前協議,而家搞離婚,男方嘅財產要求,成為周迅遲遲未肯離婚嘅主要原因。

對於離婚一事,高聖遠經理人回覆傳媒指,高聖遠呢大半年都喺美國,但就確定佢同周迅未離婚,亦冇新對象。報道又話,高聖遠之前喺台灣拍連續劇《我的男孩》時,雖然喺男性朋友屋企借宿,不過經理人話,因為拍劇要用中文,高聖遠每日都要搵助手練習台詞,而冇時間識新朋友喎!

圖︰高聖遠之前喺台灣拍連續劇《我的男孩》,經理人話拍劇要用中文,高聖遠每日都搵助手練台詞而冇識新朋友。(網上截圖)
分享: