【冤枉呀!】江若琳被指「小三」 Oscar︰同前度分手半年先拍拖!

圖︰(ig、fb截圖)

江若琳同蕭潤邦(Oscar)都係2007年樂壇新人,二人相識11年,到17年先擦出愛火花,先於4月在ig公開戀情,再於今年1月在網上公佈婚訊;最近,有周刊指Oscar嘅空姐前女友Charmaine曾喺社交網控訴,指2016年年底同Oscar去完泰國旅行後鬧交,原本已到談婚論嫁階段,卻因江若琳分手後介入其戀情已致結唔成婚。Oscar今日(31日)即在facebook為未婚妻「拆彈」。

「我一定會好好保護江若琳」

Oscar於帖文指,自己與前度分手半年才與江若琳拍拖,「如果同前女分手大半年再拍拖,而現在女友咁都算係小3的話,一個普通人都可能拍過好幾次拖,咁咪要計埋我前前女友、前前前女友…我現女友已經唔係小3咁少了。」

佢仲好Man咁話︰「如果該雜誌或所謂知情人士目的係令到我們唔開心的話,sorry,對於我們來說,實在太無聊,所以唔想再作任何回應,大家都已經有新嘅生活,只係希望各位傳媒朋友高抬貴手,唔好打擾到過去嘅朋友,至於我嘅現在、將來,我一定會好好保護江若琳,多謝大家關心!」

Oscar於回應傳媒時又話,新聞刊出後收到前度電話,「話唔知發生乜嘢事」。Oscar話前度解釋指︰「因為佢Ig係有時閂,有時公開,可能咁啱畀人cap圖砌故仔,希望呢件事唔會影響佢工作,因為大部份啲相都係2014年,根本時間上都唔啱,佢都話好無奈。」

圖︰Oscar於周刊新聞出版後,於facebook撰文撐江若琳。(fb截圖)
分享: