【關係更複雜!】再傳周迅高聖遠離婚 二人各擁同性密友?

圖︰周迅14年與高聖遠結婚後多次傳出離婚,最近再有報道指二人正辦理離婚,並指二人身邊各有同性密友。(網上截圖)

43歲周迅14年與美籍華裔演員高聖遠結婚,不過,二人婚後兩年多次傳出離婚,但當事人每次都否認。最近再傳周迅與高聖遠真係搞緊離婚!據悉,二人已分居兩年多,高聖遠現在主要台灣、美國兩邊走,周迅就主要留在內地;更有指高聖遠於台灣有位同性密友,周迅亦繼續有王菲囡囡竇靖童陪住,關係真係愈來愈複雜呀!

溝通有問題 只待適合時機離婚

周迅與高聖遠於不同文化和背景成長,一個講普通話、一個講英文,當年二人拍拖一年就閃婚,已經令人擔心結婚一事會否太衝動。據報道,男方早於兩年前已提出分居,到上年高聖遠更直接提出離婚一事,惟周迅一直「舉棋不定」,始終未肯搞離婚手續。

有傳周迅今次下定決心離婚,係因為同竇靖童嘅「忘年姊妹情」愈嚟愈好;好到連今年農曆新年,都係由竇靖童陪佢返老家,陪父母過年!而周迅要去旅行,竇靖童如果得閒,都會陪埋佢去,令周迅發現有冇老公,都可以生活如常。至於高聖遠,有指佢喺台灣都識到個靚仔外國人,仲玩得好埋、成日一齊去飲酒。

如今兩夫妻各自各精彩,點解又唔辦埋離婚手續呢?有指因為佢哋當年係喺杭州領證,所以要搵日去當地簽紙,先可以完成離婚手續。

分享: