【終於成行!】雨僑與老公羅力威遊石垣島 滿載意料之外

圖︰羅力威同雨僑自3月底結婚後,一直忙於工作,到最近先展開佢哋嘅「蜜月」之旅。(ig圖片)

羅力威同雨僑自3月底結婚後,一直忙於工作,到最近先有時間展開佢哋嘅「蜜月」之旅。雨僑於ig分享呢次石垣島之旅嘅感受,話旅程中發生了很多「意料之外」,不過「許許多多的意料之外,卻帶來更多的喜樂」。雨僑仲話︰「有時候我們面對突如其來的打擊,不一定是壞事!」

航班因颱風延誤 resort爆滿住市區

雨僑表示,「這次有很多意料之外的事,航班因為颱風關係延誤了,反而不用凌晨去機場﹐也不用擔心到了當地未能check in要四處遊蕩,變成了最舒服的出發時間,精神飽滿的到達。原本天氣報告說整個旅程都下雨,我們來到每天都天晴。起初找不到朋友介紹的餐廳,後來發現我們去的也是非常好!大部份resort也是full了,但原來市區的酒店超方便﹐住resort反而一兩天我們一定會悶。」

雖然有咁多「意料之外」,但難得遇上好天氣,雨僑同羅力威都有抓緊時間影靚相!雨僑仲「逼老公」同佢影「#followmeto」相,仲留言分享埋對白︰「老公老公你過嚟丫,呢度影我丫,影得好靚靚嘅要!」而羅力威原來最唔鍾意影呢款相,因為要拖住太太隻手,只能單手舉機拍照。

圖︰雨僑話,羅力威最唔想幫佢影嘅就係呢款「#followmeto」相喇!(ig圖片)
圖︰羅力威唔係用手機影相,而係用專業相機影㗎!(ig圖片)
分享: