【兩姊妹都靚!】同於幕前工作 姚子羚細妹原來係佢……

圖︰姚子羚與妹妹饒慧珊都在幕前工作。(網上截圖)

無綫劇集《天命》昨日(29日)大結局,於劇中擔任女主角的姚子羚,最近亦成為網民的熱論對象。原來網民發現子羚細妹同樣在幕前工作,而且比家姐在熒光幕上的曝光率更高!

姚子羚原名饒慧玲 妹妹是新聞主播

子羚原名饒慧玲,「姚子羚」一名,其實是錢國偉為她改的藝名。子羚有一個家姐、一個細妹,妹妹饒慧珊現為nowTV新聞主播,主要負責報道財經新聞,所以打開nowTV或ViuTV時,都有可能會見到佢㗎。反觀子羚近3年在TVB拍劇的產量較少,觀眾見到妹妹饒慧玲嘅機會,分分鐘比見到子羚嘅機會更多!

饒慧珊早於2011年成為新聞主播,雖然離開過一段時間,但兩年前又再重返主播崗位。有網民話,睇新聞時,留意到饒慧珊嘅出眾身材同清純面孔,仲話子羚兩姊姐都咁靚,係因為媽媽係台灣人,有「台妹」嘅優良基因喎!而饒慧珊嘅靚樣,偶爾也會出現在子羚嘅社交媒體相片中,所以,子羚妹妹係邊個,經已係一個公開嘅「秘密」。

圖︰饒慧珊是Now新聞台主播,主力負責財經新聞。(網上截圖)
圖︰子羚偶爾也會在社交媒體,分享有饒慧珊在內的相片。(網上截圖)
分享: