【金盆?口】黃子華去紅館開show同修哥有關?

圖︰子華於演出中感謝修哥,修哥則以飛吻回應。(fb截圖)

黃子華7月起喺紅館舉行最後一個棟篤笑《金盆?口》,仲不時在facebook分享佢於現場感謝朋友嘅短片。昨日(27日)佢就分享咗一段感謝修哥(胡楓)嘅片段,原來子華會去紅館開show,竟然係同修哥有關!

子華講到眼濕濕︰「其實修哥冇必要為我諗」

子華話:「唔係因為修哥,我未必會嚟紅館,係因為我同修哥喺TVB一齊拍戲,喺嗰條冇人嘅走廊,修哥自己運動緊,修哥廿四小時都好似晨運緊咁,佢今日好畀面喇,坐足咁耐。」子華繼續話,「修哥好奇怪,我識佢咁耐,佢未同我講過一句認真說話,佢嗰晚同我講咗兩句認真說話。」修哥同子華講:「子華,你唔好剩係做伊館,要做紅館。」

子華憶述佢同修哥嘅對話時又話,「唔知大家明唔明,其實修哥冇必要為我諗,呢句唔係說咁講得出嘅說話,所以我好多謝修哥,呢個係我嚟到紅館嘅原因。」而觀眾席上嘅修哥見子華咁感觸,即刻向佢做出飛吻動作!

子華仲話:「佢(修哥)又有一次同我講:『子華,趁後生,做多啲嘢。』大家可以想像到我幾懶,邊有人好似我咁,幾年先拍一套劇,拍完又冇其他嘢做,幾年先開一場棟篤笑,好似成世人做得幾樣嘢,依家仲話?口……」不過子華就同修哥講︰「修哥,我應該會仲做嘢,不過未諗到做咩,但我會聽你講嘅。」

分享: