【金秘書為何那樣】全劇5度跪地求婚 朴敏英再次拒絕朴敘俊?

圖︰「副會長」朴敘俊於劇中已5度向「金秘書」朴敏英求婚,卻未獲答允。(網上截圖)

tvN人氣韓劇《金秘書為何那樣》今晚(26日晚)終於大結局,昨日(25日)播出嘅第15集,「副會長」朴敘俊第5度向「金秘書」朴敏英求婚,又彈琴、又唱歌、又跪地,金秘書對副會長呢次完美求婚都感動到喊。不過去到片尾,金秘書突然喺朴敘俊家人面前宣佈佢唔可以結婚,究竟發生咩事呢?

副會長酒後再示愛 9年前已愛上金秘書

副會長與金秘書拍拖,不時出現甜蜜鏡頭,back hug、嘴咀,連床戲都有;但對於副會長嘅求婚,金秘書卻遲遲唔答應。即使副會長飲醉後,向金秘書再度示愛︰「我愛你,9年前同你相遇時,我真係好開心,不過你認唔到我,從那時開始我就愛上你,我會令你一世都幸福。」但金秘書仍然未肯同副會長嘅求婚。

再度求婚不遂嘅副會長,當然一臉愁容;而喺大結局預告中,副會長將金秘書手機入面自己嘅聯絡人名稱,由「副會長」改為「老公」,最後仲有副會長嘅禮服Look,相信副會長同金秘書最終都可以化解困局,順利結婚嘅!

圖︰上一集,副會長同金秘書爸爸展開men’s talk,準外父仲一定要副會長準備浪漫求婚畀囡囡。(網上截圖)
分享: