【點解嘅?】吳若希老公補求婚 設計鑽戒辦派對超驚喜!

圖︰吳若希誕下囡囡Giselle後,2017年才與老公Alex結婚,日前更收到老公補求婚的驚喜。(ig圖片)

吳若希誕下囡囡Giselle後,2017年才與老公Alex結婚。昨日(25日)吳若希於ig分享一張戒指相,原來當年Alex冇同吳若希求過婚,結果指結婚將近一年,先收到Alex送嘅「求婚戒指」,佢仲安排咗一個驚喜派對畀太太呀!

「希望能拿餘生報答你的愛」

吳若希留言話︰「我的人生,好像所有時序都是錯的,生完孩子,補結婚。結婚後快一年,我又突然收到了求婚戒指和驚喜派對。還好,時間錯的,人是對的。謝謝你,希望能拿餘生報答你的愛」。

佢仲話,戒指係老公同品牌一齊設計,令佢「傻眼到極點」。唔知吳若希收到呢個驚喜嘅時候,又會唔會大叫一句︰「點解嘅?好勁呀!」

圖︰吳若希留言話,老公有參與設計戒指,令佢「傻眼到極點」。(ig圖片)
分享: