【曾為Kay捱罵】陳志雲問仲有咩夢想 謝安琪︰我未買樓!

圖︰(ig、fb圖片)

謝安琪(Kay)同古巨基昨日(23日)晚上為《志雲尋志雲 登陸舞台演嘢會》尾場擔任表演嘉賓,陳志雲透露,佢Kay喺出道時已經好鍾意佢,仲幫佢爭取演出機會,更搞到俾方逸華鬧:「點解成日都係呢個女仔?後來其中一輯《味分天下》我想搵張繼聰,方小姐就話做乜兩公婆一齊搵?淨係得佢兩公婆會做?」不過陳志雲指︰「佢話吓我啫,冇阻我嘅。」

Kay未買樓 陳志雲︰祈禱時幫妳加埋呢樣!

而Kay就話,陳志雲為夢想堅持全力追夢,好欣賞對方!陳志雲又問Kay有咩夢想可以幫佢實現?已為人妻同媽咪嘅Kay即刻好實際咁話:「同好多香港人一樣未買樓。」陳志雲笑言,要喺祈禱時幫佢加埋呢樣!

不過陳志雲其實都唔係第一次畀方逸華鬧,佢當年於紅館做《香港小姐》,方逸華突然捉住他走勻紅館:「你睇!呢個角位人哋點睇到個台?但我哋做電視,淨係睇個Mon,唔會睇到成個studio?」陳志雲話,被方逸華時,通常不會駁嘴:「佢係長輩嘛!等過咗同佢講佢都會聽嘅。」

陳志雲又話,自此做《香港小姐》,布景都要先畀方逸華過目,「最大難度係佢冇Deadline,但我哋有!」

分享: