【再演楊貴妃?】相隔18年 向海嵐以娘娘look現身

圖︰向海嵐2000年於無綫劇集《楊貴妃》飾演楊貴妃一角;事隔18年,佢再次以貴妃look現身,被網民大讚「凍齡」有方。(網上截圖)

98年港姐冠軍向海嵐(Anne),2000年於無綫劇集《楊貴妃》飾演貴妃娘娘楊玉環一角,而深入民心。最近,Anne再次以貴妃look現身,雖然唔係拍2018年版嘅《楊貴妃》,但事隔18年再穿上貴妃裝,唔少網民都話佢「凍齡」有方,個樣都係一樣咁靚、咁年輕!

扮楊貴妃 試食荔枝

今次Anne要扮楊貴妃,原來係為四川省合江縣嘅荔枝旅遊節做宣傳,楊貴妃鍾意食荔枝,所以搵來Anne扮娘娘,場試吓啲荔枝係咪咁好食。

唔少網民睇完Anne最新嘅楊貴妃look,都讚43歲嘅佢係「凍齡女神」,事隔18年,個樣子都似乎無咩點變過!而15年宣布復出嘅Anne,近年活躍於內地影壇,已甚少在香港螢幕現身了!

圖︰Anne扮楊貴妃,當然唔少得宮女服侍!(微博圖片)
分享: