【書展重逢】陳文媛路過巧遇老友 何韻詩︰唯一無同佢被傳緋聞

圖︰(網上圖片)

好耐冇見嘅陳文媛(Bobo)於書展巧遇老友何韻詩﹐阿詩今日(24日)於ig貼出二人合照,見Bobo同阿詩一樣身穿淺藍色牛仔上衣,相入面二人笑得燦爛!阿詩於ig留言話︰「哇痴線,咁都俾佢撞到我!陳BoBo啊各位同學~~!!(佢真係路過㗎咋…)#老朋友 #十世無見 #想當年真係勁friend #而唯一無同佢被傳緋聞 #真係神蹟」。

同一年角逐樂壇新人獎

Bobo同阿詩份屬老友,二人更於2002年齊齊角逐樂壇新人獎!由於阿詩當年同Bobo真係好friend,而當年阿詩同容祖兒傳出親密關係,但就冇同Bobo傳過緋聞,所以阿詩都忍唔住於ig重提此事。

而Bobo自2006年退出娛樂圈後,曾與金融才俊金紫耀想戀,更獲其「打本」開美甲店;可惜美甲店4年後就面臨執笠,BoBo獲中南證券掌舵莊友堅器重,讓Bobo於他的旗下公司任職高層。至2014年,BoBo斥530萬港元購入杏花邨單位。

不過,BoBo跟金紫耀最終分手。及後BoBo於教會認識有共同信仰的老公,二人於2016年蜜遊韓國被爆戀情,並於年尾結婚;二人育有一囡,月前更被拍得一家人於彭福公園野餐,樂也融融。

分享: