【阿姐養我!】羅家英揭「私人秘密」 指汪明荃現負責家用

圖︰家英哥出展書展講座,自嘲係老白臉,要阿姐養佢。(ig圖片)

羅家英(家英哥)同汪明荃(阿姐)不時外出旅遊,尤其愛遊日本,相信都要用唔少洗費。今日(24日)家英哥出席書展講座,談到文武生的辛酸,除了台前幕後、台上台下都要顧,連經濟都要負責。作為文武生嘅家英哥就話︰「如果冇班主,文武生要搵錢招兵買馬,蝕本就慘,呢40幾年,我都蝕過好多次,加埋都有百幾萬。」更大爆他與阿姐的「私人秘密」,指現在有阿姐養佢!

羅家英︰我而家做老白臉

家英哥指,文武生負起養戲班的責任,至於花旦,他說︰「如果花旦有良心,咪收少啲。」咁阿姐作為花旦又有否伸出援手?家英哥即表示︰「初頭我畀,後來一人一半,不過都慘㗎,我出雞,佢出䜴油。」至於家中財政,家英哥大爆內幕,「私人秘密,我而家做老白臉,阿姐養我!」

至於二人幾時再去旅行?家英哥透露,他下月將會同阿姐去美國,佢話︰「阿姐去做姑奶奶,細佬個仔娶老婆吖嘛!」家英哥又話,自從上次去完俄羅斯睇世界盃同遊覽,阿姐就愛上咗俄羅斯,所以都打算再去當地玩呀!

圖︰阿姐同家英哥不時周圍去遊行、嘆世界!(微博圖片)
圖︰阿姐同家英哥打算再去俄羅斯。(微博圖片)
分享: