【轉行打高球?】與鄭俊弘拍拖遭「雪藏」 傳何雁詩不續約星夢

圖︰何雁詩同鄭俊弘(Fred)拍拖後,一直未獲外界祝福,何雁詩仲因而被冷待,已經一年冇新歌出。(ig圖片)

何雁詩同鄭俊弘(Fred)拍拖後,一直未獲外界祝福,由於何雁詩當年介入Fred同未婚妻嘅關係,令兩人形象「插水」。好彩Fred嘅事業漸漸有起色,相反,何雁詩則一直被傳遭星夢娛樂「雪藏」;最近有傳何雁詩不忿被冷待,兼為保Fred嘅演藝事業,決定不續約,並為重拾高爾夫球夢做好鋪排。

何雁詩工作量大減 一年冇新歌出

何雁詩自從去年與Fred公開戀情後形象盡失,正在播映嘅無綫劇集《天命》,雖然都見到何雁詩,但劇集其實早於一年前,即二人未公開拍拖前已接拍。唔單止工作量大減,何雁詩一年來竟然一首新歌都冇;反而同公司嘅吳若希、菊梓喬等,就密密唱劇集歌曲。

面對星途嚴重受阻,何雁詩去年底開始重拾高爾夫球夢,今年初仲喺「香港業餘高爾夫球女子賽」贏得冠軍,仲攞埋「香港女子高爾夫球公開賽」資格。呢排何雁詩經常出入健身室,有傳媒仲話何雁詩喺gym room留咗3個鐘。而何雁詩亦有於ig分享做gym相,而健身相比起其他相似乎較多人受落;希望何雁詩繼續操fit啲,為港爭光啦!

圖︰何雁詩去年底開始重拾高爾夫球夢,ig都開始多咗運動相關嘅相片。(ig圖片)
分享: