【學做陶大宇?】Coffee晒BB超聲波 囝囝單手掩面遮樣

圖︰Coffee於社交媒體分享BB超聲波相片,囝囝單手掩面,似足陶大宇!(ig圖片)

28歲林芊妤(Coffee)已懷孕6個月,佢昨(19日)日於社交媒體分享BB超聲波相片,留言話︰「Oh my god!!今日醫生話我好叻,因為無咩點肥到,但個b竟然係大碼BB,長在胎兒不長肉,令我聽完最開心既係,知道肚腩仔健健康康。」網民見到囝囝用單手掩面,即刻諗起陶大宇嘅招牌動作,認真搞笑。

陀大碼B 只係重咗8kg

Coffee陀住大碼B﹐但睇相真相,只見佢手腳keep住瘦;現懷有6個月身孕,體重56kg,只係比懷孕前重咗8kg,真係好令大肚媽咪羨慕!Coffee仲話想順產,「不過好多因素,都未必係我話事,應該係BB話事,睇佢生唔生性呀!」

原來醫生話Coffee胎盤有少少低,可能會阻到囝囝出嚟,有機會要開刀;不過Coffee都仲抱有希望,「胎盤都有機會返上去,所以如果可以,我都想順產嘅。」對於囝囝影超聲波相變咗陶大宇,Coffee就話囝囝「好串」,唔畀佢睇個樣呀!

圖︰Coffee陀B期間都有keep住做運動,所以先可以做到「長胎唔長肉」。(ig圖片)
分享: