【古仔要美白?】古天樂宣佈唔曬燈 為拍電影改膚色

圖︰古天樂多年來一直堅持曬燈,估唔到今次要為拍戲而美白。(ig圖片)

古天樂(古仔)都要美白?呢個消息真係令觀眾好震撼!事關古仔多年來keep住曬燈,就係為咗唔想變返初出道時嘅「白雪雪」楊過;原來古仔即將於電影飾演一名裁縫,所以連膚色都要白返。佢今日(19日)仲同谷祖琳出席美白護膚品牌活動,仲親自示範產品。

「古天樂電影院」 今晚舉行命名儀式

而日前傳出藝術中心的電影院將改名為「古天樂電影院」,命名儀式仲會於今晚舉行。不過身為贊助人嘅古仔話,由於要拍電影,未能出席今晚儀式,「我比較低調,主要都係做一啲嘢推動本地電影,其他嘢有專人負責。」而做慈事向來低調的古仔,亦不願透露捐咗幾多錢畀電影院。

最近無綫重播《刑事偵緝檔案4》,古仔又會唔會睇返自己演出?佢就話,有時間都會望吓,但就唔想自己評論自己多年前嘅演出。

圖︰谷祖琳同古天樂齊齊出席美白護膚品牌活動。(ig圖片)
分享: