【書展2018】鄧健泓孖老婆拍網劇 同於碌架床上親熱

圖︰Patrick、Jessica同王宗堯今日(19日)到書展宣傳新書《向西聞記》;劇中Patrick仲同老婆石詠莉演夫妻(圖右)。(網上截圖)

鄧健泓(Patrick)、SG組合成員Jessica同王宗堯,今日(19日)到書展宣傳新書《向西聞記》。Patrick接拍呢個故事網劇,於〈碌架床〉單元入面同老婆石詠莉演夫妻,仲要喺眾目睽睽之下同老婆喺碌架床上親熱。Patrick就話,拍劇比屋企親熱興奮好多;而同王宗堯有好親密鏡頭嘅Jessica,就覺得有啲尷尬!

故事講阿哥細佬鬥快生仔

Patrick話,故事講佢同王宗堯飾演兩兄弟,為爭屋而要同另一半鬥快生小朋友,「佢(王宗堯)同Jessica喺下格床,我就同老婆(石詠莉)喺上格;有好多肉博場面,佢哋成日要就住,我就一嚟就講『老婆嚟料』,有好多身體接觸。」

而Jessica坦言,佢同王宗堯有好多親密鏡頭,亦係自己第一次同男演員咁親密拍劇,所以都有啲尷尬;而Patrick就話,今次係蕭定一想搵太太石詠莉同佢演夫妻嘅。

圖︰Patrick同太太石詠莉於2017年12月結婚,兩夫妻生活甜蜜。(ig圖片)
分享: