【港姐冠軍的秘密】楊思琦同李嘉欣係親戚?

圖︰楊思琦同李嘉欣都係港姐冠軍人馬,但原來二人有親戚關係?(ig圖片)

2001年香港小姐冠軍楊思琦,當年一併獲符「最上鏡小姐」、「網上最奪目小姐」、「纖體美態獎」、「最甜美笑容佳麗獎」和「最修長美腿佳麗獎」,成為實至名歸的「多料」港姐冠軍!最近,40歲嘅楊思琦首次推出寫真,記念自己踏入「39+1」;佢仲喺寫真入面話,佢同1988年香港小姐冠軍李嘉欣原來有親戚關係!

唔係好熟 但家族聚會見過面

楊思琦話,李嘉欣係佢姑媽嘅姨甥女,雖然聽落都唔算好親,但思琦話,佢同嘉欣偶然都會喺家族聚會上會見到面;所以佢家族出咗唔止一個港姐冠軍!原來呢個世界,都真係有「選美基因」㗎!

而思琦亦有講述自己參選港姐的原因,原來當年係佢媽媽推佢去參選的!當時思琦仲心諗︰「咁嘅樣,點選美啊?」對於感情,思琦坦言自己一直有人追,只係未有適合人選出現;作為單親媽媽嘅佢,認為另一半最重要係愛佢同佢個寶貝女﹐仲話依然期待愛情,但能隨緣啦!

圖︰思琦首次出寫真,作為自己踏入39+1的記念。(ig圖片)
分享: