【XBF哲學】方力申被問Stephy戀情 「作為前度,不能太close!」

圖︰小方被問及對Stephy及王子戀情的看法,坦言唔想講太多。(ig、fb圖片)

鄧麗欣(Stephy)同佢嘅男友邱勝翊(王子)戀情公開後,外界都覺得佢哋係王子同公主組合,非常合襯!至於Stephy前度方力申(小方),就繼續「我有我嘅忙碌」;不過昨日(18日)佢出席展銷活動時,又被傳媒包圍,問佢對Stephy同王子拍拖有咩睇法。作為前度,又要保持大方,小方只好用「XBF哲學」回應︰「作為前度,不能太close!」

記者再進擊 「你同王子邊個靚仔啲?」

前度唔想主動關心前度,明白嘅;但記者步步進逼,竟然問小方覺得佢自己定王子靚仔啲?「邊有得咁講,依家唔係選美,我唔係sell樣嘅,係sell緣份同隨緣!」咁佢又係咪戥Stephy開心?「呢個問題好得意,咁梗係啦,你話可唔可以有第二個答案呢?我叫小方啫,其實個人好大方,唔好再問我呢啲咁難答嘅問題啦!」

而小方亦透露,自己早於兩三個月前已經知道呢件事,「我守秘密幾好,亦都見過佢哋冇尷尬,公開咗之後希望大家問佢嘅嘢可以問我少啲,可以問返佢多啲,其實呢段時間我喺自己網裏面都好多fans同我講見到佢哋,所以我都知道。」他又呼籲Fans可以少啲關心佢嘅感情,多啲關心佢自己嘅感情,同埋佢同家人嘅感情。

小方見大家對佢嘅感情事咁關心,就忍唔住話︰「我大把女,泳會有幾十個女,多到不得了,完全唔使愁,開心到不得了,日日對住無憂無慮、天真可愛嘅小朋友,好享受游水工作!」

圖︰小方近期積極發展體育教育事業。(ig截圖)
圖︰方力申開游泳學校,笑言自己大把女……學生。(ig圖片)
分享: