【陳冠希去L.A.】孖秦舒培囡囡會家人 陳見飛同Alaia玩上瘾

圖︰陳冠希自從做咗爸爸之後,不時曬囡囡相片,對呢位「前世情人」寵愛有加。(ig圖片)

陳冠希(Edison)同秦舒培自從生咗囡囡Alaia之後,不時都會在ig分享囡囡靚相。日前Edison更帶同秦舒培及Alaia齊齊去洛杉磯同家人見面,姑媽陳見飛仲同Alaia玩得好開心,喺ig分享相片同留言︰Addicted / 上癮了 ~ #alaiachen」,睇嚟秦舒培Alaia已經非常融入家中喇!

Alaia可愛 爺爺開心抱

Alaia除咗令陳見飛玩上癮,仲氹得爺爺陳澤民好開心!陳見飛亦有將陳澤民抱Alaia嘅相放上ig,感覺照溫馨。佢哋一家人仲一齊外出食飯,Alaia繼續發揮可愛本色,手上拎住墨西哥薄脆,但成嘴都係忌廉,企喺爸爸Edison同媽媽秦舒培中間,而陳澤民、陳見飛都有一齊入鏡。

Edison同秦舒培愛得甜蜜,Alaia又深得陳氏家族成員歡心;見到Edison而家咁生性,唔怪得連黃子華「金盆?口」都要喺棟篤笑演出時為佢平反啦!

圖︰Alaia除咗令陳見飛玩上癮,仲氹得爺爺陳澤民好開心。(ig圖片)
分享: