【老公細18年】42歲咸素元分享減肥秘訣 Keep Fit箍實陳華

圖︰咸素元同老公陳華齊齊參與節目,而咸素元話,自己靠Keep Fit「箍實」年輕老公。(網上截圖)

42歲女星咸素元,今年初同細佢18年嘅網紅男友陳華結婚,最近咸素元同陳華齊齊參與節目《妻子的味道》,而咸素元仲分享埋佢「箍實」年輕老公嘅秘訣︰Keep Fit!仲佢曾經試過幾十種減肥方法,而佢覺得最有效嘅方法,係健身、跳舞同做瑜伽。

曾經係肥妹 最過重74kg

韓國小姐出身嘅咸素元,35、24、36嘅Fit爆身材認真令人羨慕;不過原來咸素元都曾經係肥妹,最重仲試過74kg,所以先下定決心努力減肥咋!佢係節目分享減肥心得,話自己試過幾十種減肥方法,最終都係揀健身、跳舞同做瑜伽來減肥。

咸素元仲考埋瑜伽導師牌,仲出埋書?!另外,咸素元又會將每日食過乜嘢,同埋自己嘅身體狀況記低,製作「減肥日記」令佢keep fit更事倍功半。而家咸素元習慣每日起身先做簡單伸展運動,而每日都會做平均兩至三個鐘運動、跑步機快行1個半鐘等,仲會游水同行樓梯,唔怪得可以keep到咁fit啦!

圖︰咸素元今年2月同陳華結婚,二人更宣佈懷孕喜訊,預產期為今年12月。(網絡圖片)
分享: